Mostrando entradas con la etiqueta animacam. Mostrar todas las entradas
Mostrando entradas con la etiqueta animacam. Mostrar todas las entradas

8 de enero de 2013

Hoxe comeza o período de votacións dos finalistas Online en Animacam 2012



O inicio da fase de votacións Online ten lugar dende hoxe 8 de xaneiro até o próximo 8 de febreiro, por parte dos usuarios e internautas que se rexistren na WEB de Animacam.

 Para poder votar os teus filmes favoritos na V edición de Animacam debes estar rexistrado na web ... así que, a que esperas?, rexístrate xa e se o primeiro en apoiar ao teu filme favorito dos 41 participantes. 

Gozade da proposta amigos!!!


1 de octubre de 2012

ANIMACAM V EDICIÓN 2012


365 DÍAS PARA CELEBRAR 5 ANOS ANIMANDO O MUNDO



Á XENTE DO MUNDO ANIMADO
AO PÚBLICO ONLINE NO MUNDO
A TOD@s, ¡BENVIDOS!

RECEPCIÓN DE FILMES
1 OUTUBRO 31 DECEMBRO 2012

NOMINACIÓN DE FINALISTAS
7 XANEIRO 2013

VOTACIÓN PÚBLICO ONLINE
8 XANEIRO 8 FEBREIRO 2013

8-9 FEBREIRO 2013

FALLO PREMIOS ANIMACAM ONLINE E ANIMACAM OFFLINE 2012
12 FEBREIRO 2013

MELLOR DIRECTOR/A ANIMACIÓN 2012: 1.000€
MELLOR FILME ANIMACIÓN 2012: 1.000€

FALLO PREMIOS SOLSTICIO DE VERAO E PALMARÉS ANIMACAM 2012
30 AGOSTO 2013

MELLOR GUIÓN 2012: 500€
MELLORES EFECTOS VISUAIS 2012: 500€

CLAUSURA V EDICIÓN E APERTURA VI
1 OUTUBRO 2013

22 de marzo de 2010

Comezamos a semana con estreas!

Abrimos este luns de marzo con cinco novas obras de animación de diferentes técnicas, diversos argumentos e novos creadores coma experimentados directores presentando as súas obras a través da rede nesta casa da animación como é Animacam!

Juan Manuel Costa preséntanos unha historia doce e chea de folclore, sobre unha alfareira que descobre o segredo das potas da vila. Unha historia en stop-motion chea de maxia e beleza visual propia dos arxentinos, xunto cunha nova experiencia en Second Life dende a República do Congo, presentada por Teboho Edkins: Kinhasa 2.0.
Inma Carpe, gañadora da Segunda Edición en Retrospectiva pola súa obra In the winter palace, repite este ano en Animacam con outra obra na mesma categoría: Le petit chaperon rouge, xunto con outra obra de Retrospectiva como Nice day for a picnic, da belga Monika Gallab. Para rematar, a escola Gobelins presenta outra tenra historia no 2D máis tradicional: Gardien du phare (The Lighthouse keeper).

18 de marzo de 2010

Them and their circunstances...

Conta unha historia sobre o día a día dunha inocente familia. Cinco tramas, catro personaxes con diferentes puntos de vista. Historias aparentemente aleatorias, mais, aínda así, sumamente conectadas coa principal: un conxunto de incidentes nun mesmo día. A animación comeza polo final da historia e logo o espectador pode atopar a pista coma proba para unir as pezas do crebacabezas.

Esta é unha animación online experimental, que introduce unha nova forma de ver a animación. Combina vídeos e flash con ActionScript. Todas as películas póñense xuntas en flash e mediante o código de programación ActionScript, a xente pode ver máis de dúas tomas de ángulo ao mesmo tempo, seleccionar os capítulos e os segmentos de vídeo e crear as súas propias historias. Tamén hai animacións en flash dinámicas propias para que as animacións e os vídeos en flash interactúan entre si, cruzando os marcos. Este marco non só significa o obxecto literal no marco do traballo da artista coreana, senón tamén a fronteira entre o traballo de vídeo lineal e a interactividade de flash non lineal.

17 de marzo de 2010

A experiencia musical de Spektr

As eternas marabillas do espazo e o tempo. Os soños afastados e os misterios doutros mundos, outra vida. As estrelas. Os planetas. O home estivo cara a cara con eles durante séculos, aínda é apenas capaz de penetrar nos seus segredos descoñecidos. Algún día, un día a barreira será perforada. Por que debemos esperar? Por que non agora? ... unha experiencia musical con SPEKTR.

O director Thomas Pors e o animador Anders Nejsum, baixo o desarrollo e produción de Simulakrum, presentan esta experiencia en 2D na cal os integrantes do grupo musical Spektr se inmiscúen noutras dimensións, noutros escenarios extraídos e recreados da ciencia ficción máis afastada que busca coma resposta a eterna pregunta da relación do espazo e o tempo.

16 de marzo de 2010

Piscis de Juan Pablo Camardella

Un barco pesqueiro chega a unha illa buscando un tesouro; leva como prisioneira a quen pode abrilo.

Interesante historia en 3D presentada polo arxentino Juan Pablo Camardella que nos narra as aventuras dunha indíxena que resulta prisioneira dun banco de peixes que a empregan para acadar o seu máis prezado tesouro... a aventura está en camiño, e ninguén sabe como vai rematar...

15 de marzo de 2010

Dodudindon: primeira cortiniña de Gobelins

Na súa gaiola de ouro, entre os convidados de pluma, un paxariño e un pavo nunha granxa de cría, comeza a bailar, anunciando o comezo.

A Escola de Imaxe francesa Gobelins preséntanos unha das súas cortiniñas creadas para o Festival Internacional da Curtametraxe de Annecy. Dirixida por Lucrèce Andreae, Julien Chheng, Tracy Nowocien e Rémy Schaepman e cunha duración de 48 segundos, móstranos unha historia máxica encadrada no máis elegante e "posh" dos ambientes...

12 de marzo de 2010

Supa Pirate Booty Hunt: o amor morde

Supa Pirate Booty Hunt narra as aventuras e desventuras do pirata Zack e a tartaruga Daniel e a súa travesía polos sete mares... Neste episodio, o capitán Zack busca embelesar a unha dama, pero a súa pescuda continuará sendo eterna...

Steven Sieders é o creador desta serie de animación amosada en internet a través das redes sociais coma Facebook e das plataformas de broadcasting coma Youtube. En menos dun minuto de duración das súas pezas conseguirá arrincarvos un sorriso!

Novas estreas en Animacam


Este venres, pechamos a semana estreando cinco novas obras de animación de diversa temática, técnica, argumento e procedencia. Aproveitamos para agradecer a todos os participantes a súa colaboración e presencia en Animacam.
A curtametraxe experimental coreana Their circunstances, a escola Gobelins presenta unha das súas cortiniñas para Annecy 2009 en Multimedia: Dodudindon, xunto coa serie animada de Steven Sieders, Supa Pirate Booty Hunt, e dúas novas obras en Retrospectiva: Things that go bump in the night dos daneses de Simulakrum e a obra en animación 3D Piscis do arxentino Juan Carlos Camardella.

11 de marzo de 2010

The tile jale toilet: tentando ir ao baño...


Unha rapaciña ten que ir ao baño...


Magnífica recreación do portugués Joao Rodrigues, na categoría Retrospectiva. A boa utilización da mistura de técnicas empregadas (flash, 2D e stop-motion) dota a obra dun carácter orixinal, único e auténtico.

Unha rapaza que non aguanta máis, quere facer uso do urinario, pero atópase con multitude de obstáculos que lle impiden poder relaxarse e facer as súas necesidades tranquilamente...

10 de marzo de 2010

Homenaxe aos peregrinos de Animacam



Queremos realizar unha pequena homenaxe a todos peregrinos que participaron na II Edición do Festival Internacional de Animación Online, Animacam.tv, aportando as súas fotos e vídeos e tamén as súas experiencias.

9 de marzo de 2010

Eu inténtoo, e o intento, e o intento...


Todo o que facemos e creamos, non é máis que, un intento...

Ciro Guerra preséntanos esta fantástica metáfora acerca dos nosos obxectivos, as nosas ideas e os nosos desexos, que ten coma protagonista a un neno que quere xogar coa súa pelota pero nin tan sequera, por agasallos caídos do ceo, é capaz de cumprir o seu soño...

Estupenda recreación gráfica en 2D tradicional, Intento é unha
animación colombiana do ano 2001, presentada en numerosos festivais e que participa na III edición de Animacam na categoría Retrospectiva

Vivir Aquí: Reportaxe sobre Animacam


Reportaxe no espazo dominical en prime-time Vivir Aquí da Televisión de Galicia, na que se realiza unha visita ás instalacións da produtora e o reporteiro conversa co seu director, Xosé Luis Carneiro, facendo referencia tamén ao Festival Internacional de Animación Online, Animacam.tv

8 de marzo de 2010

Pandore: a loita dunha nena contra os seus monstros

Nos tempos do mítico Monte Olimpo, unha rapariga libera a un perigoso monstro dunha caixa misteriosa. Asustará o monstro ao pequeno demo que o soltou?
Pandore é unha curtametraxe de animación francesa realizado por Marion Stinghe, Meryl Franck, Benoît Guillaumot, Nicolas Caffarel e Elen Lle Tannou; estudantes e animadores da Escola francesa Gobelins. A película, de 2009, remóntase ao período helénico, cando no monte Olimpo sucedían cousas inimaxinables, e máis, en canto abrías a caixa de Pandora...

5 de marzo de 2010

Dick Terrapin: a historia dun neno e a súa tartaruga


Un raparigo novo aprende sobre a vida a través da súa tartaruga (a súa mascota favorita). Dick Terrapin é unha película de animación debuxada a man, dirixida e escrita polo animador irlandés Damien O'Connor. Compite na categoría Retrospectiva este ano en Animacam. Damien presenta aquí unha historia encantadora sobre a doce relación entre un neno e a súa tartaruga por mascota.


IFTA (Película irlandesa e Premio De televisión) foi nominada á mellor curta. A película foi mostrada en festivais por todo o mundo e dúas veces difundida pola TV europea.

Flaming Arrow de Jupiter One: dirixida por Robertas Nevecka

Nunha cidade ficticia, a banda de Jupiter One están a tocar a súa canción na azotea dun edificio de doce pisos. O corazón do cantante está roto porque a súa noiva traizoouno con outro. Agora esixe vinganza. A moza infiel vive nun edificio próximo. El trae grandes barrís de queroseno ao tellado e planea disparar frechas empapadas de queroseno en chamas contrael edificio para prenderlle lume. O vocalista de The Flaming dispara a primeira frecha. O edificio está en chamas.

Robertas Nevecka é o director deste novo videoclip da banda de rock Jupiter One, representando ao single Flaming Arrow. O novísimo animador lituano mostra así, un dominio do modelado de personaxes e da construción e movemento 3D acorde á música. Esta obra é a primeira presentada na categoría Multimedia do Festival Animacam, na cal se poden presentar todo tipo de traballos: Anuncios publicitarios, móbiles, videoxogos, cabeceiras e pilotos de televisión, videoarte e videoclips.

Animacam presenta a súa Terceira Edición

Estimad@s amig@s, benvidos a Animacam 2010!

Nesta Terceira Edición, o Festival, a pesares dos nosos esforzos non conseguiu manterse alleo á crise económica mundial que a todos nos afecta e, debido a iso, vémonos obrigados a realizar unha reestruturación do mesmo, que esperamos sexa o máis puntual posible.

1º.- Na Sección Oficial, as Categorías a Concurso serán tres: Curtametraxe, Multimedia e Retrospectiva, premiadas con 2.000 Euros cada unha. Os premios serán outorgados polo Público mediante a emisión dos seus votos a través do portal web.

2º.- O Blog do Festival, nesta III Edición, será unha Plataforma de Noticias Interactiva en tres idiomas (galego, español e inglés), para que enviedes toda canta información consideredes oportuna.

3º.- Na Sección Paralela, O Camiño, os Peregrinos poderán seguir animando o Camiño de Santiago compartindo as súas experiencias enviando os seus vídeos.

Finalmente, agradecemos a vosa compresión polas circunstancias actuais e esperamos seguir contando, máis que nunca, coa vosa participación e confianza.

Moitas gracias.

Atentamente.

Equipo de Animacam.

18 de noviembre de 2009

Como comezou Animacam?

A relación de Animacam.tv co período estival ten que ver coa adoración humana ao Sol desde tempos prehistóricos. O tránsito de caminantes a través de Europa, cara ao final da Terra, no actual Finisterrae galego, para “ver morrer ao Sol” foi un ritual absorbido pola cristianización de Europa e simbolizado no actual Camiño de Santiago, que coincide co percorrido do Sol desde que nace ata que se pon.

A partir desa idea, o festival Animacam.tv pretende convocar a creadores de debuxos animados de calquera lugar do mundo, pois en todo el deuse culto ao sol mediante celebracións coincidentes cos solsticios, eses días nos que o astro rei alcanza o seu punto máis afastado (no verán) e máis próximo (no inverno) sobre o horizonte.

1 de octubre de 2009

A cheeky and rebel girl in Hey!

Sci-Fi Fantasy journey of a little girl with a special pet friend, a huge toad. Once the girl loses her pet, which drifts in the sky in a form of a balloon, she is going throught different adventurous scenarios by chasing it.

This is a full 3D animation music video for the song 'Hey' by Eatliz Band.
Eatliz is an alternative rock band from Israel. Eatliz first appeared in the Israeli indie scene in 2002 and has played a significant role in it since. The video is incredible and amazing animation, directed by Guy Ben Shetrit.

30 de septiembre de 2009

Andanzas no Camiño con Serxio e Carlos

Era un día de traballo na oficina, co clásico e rutinario axetreo diario e os sobresaltos, afogos e vaivéns deste apaixonante oficio. De súpeto, recibimos unha chamada na que nos confirman que Serxio González, un dos gañadores do noso Foro do Pelegrín, estaba do Bono Iacobus: esa semana en casas de turismo rural, realizando o Camiño de Santiago pola Vía da Prata dende Monterrei, acompañado polo seu amigo e compañeiro Carlos.

Puxémonos en contato con Serxio. Respostou ao teléfono coa súa característica simpatía e amabilidade e comentounos que ían facer noite na Casa Grande de Augas Santas, en Allariz. Lamentabelmente, non nos foi posíbel acodir á cita e finalmente, á seguinte etapa, que levaba aos camiñantes ata Coles, puidemos compartir unha charla do máis amigabel e marabillosa. Contáronnos as súas vivencias no Camiño, coma foron as súas noites nesta semana correspondente ao Bono Iacobus e tamén anédotas e experiencias persoais que ilustraron un marco formidable no cal estabamos enmarcados.

É fascinante coñecer a persoas con esa alegría, esa mirada e sorriso cara a vida, unha verdadeira virtude nos tempos que corren. Porque sen humor estamos perdidos, tanto Serxio como Carlos, emanan sorrisos e boa conversa a raudales.

En canto a súa experiencia no Camiño, Serxio destaca:
"O máis fermoso do Camiño é a vivencia e o contato co resto dos camiñantes. Coñeces xente extraordinaria coa compartes a túa experiencia. Parece que fas unha viaxe arredor do mundo cando en realidade estás soamente nun sitio." "Ao fin e ao cabo é coma o Camiño da vida: atoparaste xente boa e xente mala, lugares máis fermosos e outros que menos, pero sempre hai que seguires camiñando."