5 novos filmes de animación en Animacam 2011

 Comeza unha nova semana en Animacam con cinco interesantes estreas na carteleira máis animada.

Cinco interesantes animacións, nas que debuta México como novo país na carteleira 2011, serán as protagonistas deste luns en Animacam.

Para comezar as presentacións, desde Arxentina temos o pracer de presentarvos "BOX" unha curtomertaxe de animación realizada por Juan Carlos Camardella co programa de Acceso Libre Blender, ao ritmo do cuarteto cordobés arxentino na que se nos narra o enfrontamento dun Boxeador cos seus recordos. Un máis que palpitante proxecto que nos mostras as calidades de Blender.

Acompáñanlle nesta categoría dous máis que recomendables filmes de animación mexicanos que nos chegan da man de Víctor Hugo Martínez Izquierdo:

Con "Os presaxios funestos", cóntanos os sinais recibidos polo pobo Mexica antes da chegada dos conquistadores españois. Unha suxestiva viaxe que nos adentrará na esencia da cultura histórica mexicana.

Mentres que con "O mosco", móstranos a animación dun mosquito cadro por cadro. Rechamante proposta de Víctor Hugo Martínez Izquierdo que nos ensina o desenvolvemento e a aplicación persoal desta técnica de animación.

V. Hugo tamén nos agasalla na categoría Multimedia cun tip, a modo de Anuncio, sobre "a responsabilidade cidadá na concienciación de non conducir ebrio". Unha atractiva proposta para a asimilación neste candente e actual tema.

Na categoría retrospectiva, poderedes gozar do filme de animación "Todos te queremos", unha premiada proposta de Miguel Chehaibar; que tamén desde México amósanos nunha historia sobre a vellez e o dramático peso das cargas familiares. Unha máis que aconsellable animación que non deixará de lado un clamor de sentimento.

Para esta semana adiantámosvos que temos preparado unha nutrida selección de films que poderedes gozar en primicia en Animacam.

Estade atentos á carteleira!!!

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Animacam presenta os proxectos de animación dos alumnos da escola Gobelins en 2010

Animacam vístese de gala para ofrecer a todos os seus seguidores os proxectos de fin de estudo dos alumnos da prestixiosa escola de animación Gobelins.

E é que non tiñamos mellor maneira de pechar este monográfico sobre a prestixiosa escola francesa de Animación Gobelins, que ofrecervos como broche final as obras de animación que pechan os estudos para os alumnos da promoción 2010.

Enorme calidade gráfica e unha máis que destacable liña argumental son o selo do cinco obras que poderedes gozar na categoría curtametraxe, e que se resumen da seguinte maneira:

"Je t´aime" é un moi elaborado traballo de animación que nos achegará  nun universo de terror psicolóxico, ao máis puro estilo da escola xaponesa, seguro que non vos deixará indiferentes.

A cara máis divertida, picante e desenfadada chéganos coa obra "Jean Luc". Unha divertida curtametraxe de animación dotada de gran dinamismo, comicidade e cun toque un pouquiño picante, que baixo ningún concepto deberedes perdervos .

O lado cómico máis amable chéganos con "Le Royaume", unha divertida historieta que fará as delicias de pequenos e maiores, e que nos narra a historia dun rei que fará o imposible por ter o seu castelo.

Con "Smoke my Christmas", poderemos vivir as aventuras e desventuras da imaxinación dun vagabundo o día de nadal. Un traballo sobresaiente que nos guiará polos praceres que lle son negados a un peculiar indixente unha fría noite de inverno.

E para finalizar a categoría curtametraxe, ofrecémosvos unha bela alegoría sobre a guerra e as consecuencias que están xeran nas persoas, "Trois Petits Points" . Unha preciosa historia cun final un tanto indiferente.

Ademais desta gran oferta que desexamos que sexa de voso agrado, non queriamos pechar este ciclo dedicado á escola Gobelins sen ofrecervos na categoría multimedia tres breves achegas que identifican a idiosincrasia e saber facer que emana das súas aulas. Gozade da fin de semana na compaña de 

Animacam IV edición.

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

A prestixiosa escola de Animación Gobelins presenta as súas obras en Animacam IV

Da man dos compañeiros de Premium Films, chégannos as obras dunha das academias de animación máis importantes a nivel internacional. A promoción de alumnos 2010 da prestixiosa academia francesa Gobelins presentan os seus traballos en Animacam; e para celebralo programamos máis de 20 estreas que se realizarán dende hoxe até o vindeiro venres. Non volo perdades.

Para comezar ofrecémosvos cinco traballos de coidadísima calidade que poderedes gozar na categoría curtametraxe.

Estes filmes foron realizados por alumnos do segundo curso, no ano escolar 2010. As obras realizáronse en exclusiva para o festival "d´Annecy 2010" e vós poderedes gozalas en primicia en Animacam IV edición.

"Chaman" móstranos unha aposta representativa do festival na imaxe dun pequeno Chaman.

"Junk Space" guíanos a través dunha metáfora deportiva cara a esencia da enerxía.

Con "M.Eustache" viaxardes a unha clásica escena teatral dotada dunha gran comicidade que non deixará indiferente a ningún sorriso.

Mentres que con "Red River Bay" descubriredes a poesía das formas e o cromatismo nunha sinerxía en grao sumo harmónico.

Para finalizar "Soapy Trip" convídanos a descubrir un universo de imaxinación sen límites que vos fará viaxar á cara máis positiva de cada esencia.

Pero isto non é todo, porque a promoción de alumnos de Gobelins 2010, tamén nos ofrece as cinco animacións Multimedia máis importantes dese ano; que baixo o nome de Iko, Omoho, Teeniz, Uti e Yummy, temos o inmenso pracer de presentarvos.

E como neste caso unha imaxe si vale máis que mil palabras, só podemos convidarvos a que as gocedes unha a unha en Animacam IV edición.

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Obras de Animación de EE UU e Arxentina inician Outubro en Animacam IV

 Interesante selección de obras de animación para comezar outubro en Animacam 2011. Arxentina e EE UU darán paso a unha semana chea de novidades e estreas en Animacam.

Dende Arxentina da man de Carlos Montoya chégannos dous Spots televisivos en grao sumo representativo da calidade publicitaria deste país, que competirán na categoría Multimedia polo seu respectivo premio.

Con "te hago la pata" móstrasenos a través dun Stop motion pixelización, un spot representativo e iconográfico para un centro de capacitación.

Con "te doy una mano", e utilizando a mesma técnica que co anterior anuncio, Carlos Montoya ofrécenos unha continuidade da campaña de comunicación para o Centro de Capacitación Agropecuaria nº4 de Aluminé - Neuquen.

Para a categoría curtametraxe temos o inmenso pracer de presentarvos "El fantasma", unha obra Arxentina que tamén nos chega da man de Carlos Montoya e na que os mozos de El Entretecho, nárrannos a través dun moi elaborado traballo en plastilina, unha libre adaptación do conto de George Loring Frost, "El creyente". Non podedes perdérvola.

Mentres que para a categoría retrospectiva presentámosvos"Aqualibrae", unha obra de Chanya Hetayothin que, caracterizada por unha coidada ambientación e gran calidade narrativa, mostra o ciclo de vida a través da relación entre os seres vivos e a fonte orixinal da vida, o océano.

Desexando que a oferta sexa do voso gusto e como adianto a modo de invitación, comunicámosvos que este mércores o mellor das escolas de Animación francesas volverán brillar en Animacam. Desta forma, as obras de animación máis destacadas da escola Gobelins en 2010  lucirán na carteleira de Animacam cun pase que se iniciará este mércores e que concluirá o vindeiro venres.

Non o perdas!!!

Participa en Animacam

Visiona a carteleira

Accede aos vídeos da categoría curtametraxe
 

Accede á categoría Multimedia

Coñece o mellor da animación Retrospectiva en Animacam

Fin de semana internacional en Animacam

 Esta fin de semana Animacam ofréceche unha ampla variedade de films internacionais con, nin máis nin menos, que 7 estreas na súa carteleira.

Para celebrar ao grande o gran comezo desta IV edición de Animacam, temos o inmenso pracer de presentarvos 7 films de diversos países que a recado farán as delicias do respectable.

Para comezar as presentacións, que mellor que presentar a Ingrid Esteve Martín, que desde Inglaterra nos trae 3 interesantísimas obras de animación. Son as seguintes:

Na categoría multimedia temos un vídeo promocional para de "The Fashion Fix", un éxito virtual en Second Life que, se o desexas, pode converterte na presentadora ou presentador virtual máis fashion .

Tamén nesta categoría  agasállanos cun traballo para unha presentación de Will Wright, "Meme Signal". Unha interesante proposta, Ingrid!

Para lembrar os seus tempos de estudante en España, Ingrid rememora esta época con "O tramposo", un traballo divertido e irónico que competirá na categoría retrospectiva por un premio de 600 Euros.

Seguindo na categoría de Animacións Retrospectivas, dende USA temos a divertídísma proposta do gran Jeffrey Gurian, que con "George Washington Wore Wooden Pants" desmonta a historia deste famoso presidente para ofrecernos unha desenfada teoría que fará que vos partades coa risa.

Para curtametraxe e desde Arxentina, resúltanos sumamente gratificante presentarvos "Benteveo". Unha obra da xa habitual participante nesta IV edición Ileana Andrea Gómez Gavinoser, que volverá alagar con poesía e sentimento a carteleira de Animacam.

Dende Irlanda chéganos unha moi atractiva proposta de man de Calvin Morooney, que con "Aspec", adentraranos no máis profundo da introspección social.

E xa para finalizar, Athanasios Giouvanoudis con "Happy End " mostraranos unha análise dos ideais humanos na sociedade moderna.


Espero que vos guste a proposta, moi bo fin de semana a tod@s !

Participa en Animacam IV edición

Disfruta da carteleira de Animacam

Accede á categoría curtametraxe

Accede á categoría multimedia

Accede á restrospectiva 

Mulleres animadoras de diversos países estrean as súas obras en Animacam IV edición

Esta semana comeza cunha mención especial e exclusiva para as mulleres animadoras que presentan as súas obras en Animacam.

Para comezar a semana temos o inmenso pracer de facer unha homenaxe ao crecente número de mulleres animadoras que presentan os seus traballos en Animacam.

Cada categoría estrea polo menos unha obra de mulleres animadoras de diversos países que se resumen da seguinte maneira:

De Romanía chéganos a curtametraxe "How to deal with non sense", unha obra de Veronica Solomon. O mundo sempre che parece coherente e comprensible? Pero por que loitar por comprender todo cando con alegría podémonos deslizar a través das capas da razón?

Para a categoría multimedia e dende Alemaña, temos o gusto de presentarvos a obra de Antje Heyn, "Lumo", unha película de interacción entre o debuxante e o seu debuxo, entre dous personaxes e entre o pensador e o pensamento.

Para a categoría retrospectiva, un ano máis, a figura de Monique Renault será  a nosa protagonista presentándonos varios films clásicos que, en compañía de Hellen Meske á dirección, móstrannos o lado feminino máis activo da Animación dos anos 80 e 90. Estes son os Films de Monique e Hellen:

Con "Hands off" preséntannos un Filme educativo que pretende un estímulo para o debate dentro dunha campaña máis ampla contra a violencia de xénero.

"Long live the sexual revolution" ofrécenos a historia dun home que fai unha planificación e prepárase para facer o amor coa súa parella, sen preocuparse de se o desexo é mutuo. Non parece que a súa parella teña o mesmo desexo ca el ...

E xa en solitario, Monique ilústranos con "La Dona e Mobile", unha viaxe ás fantasías masculinas vista a través dos ollos dunha muller, baseada na famosa opera do Rigoleto de Verdi. O duque de Mantua soña con espidos, languidecendo belezas. As mulleres representan as famosas pinturas de: Matisse, Ingres, Boticelli, Degas, deleitándose coa beleza dun pousado ou nun xesto sensual.

Accede a How to deal With Nonsense

Coñece Lumo

Visita a obra Hands Off

Desvela o verdadeiro sentimento en "long live the sexual revolution"

Goza de "La Donna e Mobile"

Participa co teu filme en Animacam IV edición

Directores de Xeorxia, Panamá e Grecia representan aos seus respectivos países en Animacam IV edición.

Para concluír a semana presentámosvos as obras de diversos animadores internacionais que optarán nas súas respectivas categorías a un premio de 600 euros.

Dende Xeorxia da man de Zurab Diasamidze chéganos unha curtametraxe de animación  de Vladimir "Lado" Sulakvelidke, que baixo o título "A legend about wine", nárranos a modo de fábula a orixe do viño segundo a tradición popular deste país.

Atoparase acompañada na categoría de curtos por "All´s a lie" unha divertidísima teoría sobre o final do universo que nos depara un desternillante final. Este filme de Polykarpos Parioristsas será un dos representantes helenos no festival.

Para a categoría multimedia, desde Panamá chégannos dous traballos de Eduardo Galvís. 

Con "Intervención Torre Eiffel" móstranos un vídeo musical de animación caracterizado polo seu poderoso cromatismo e unha potente ambientación musical.

Mentres que con "Siluetas dunha Cidade" mostra a animación do proxecto homónimo, no que busca unha resposta e convida os habitantes  a unha concienciación da cultura cidadá.

Antes de comezar o fin de semana, desde o equipo Animacam gustaríanos facer un chamamento a forma de invitación a todos os animadores de calquera parte do mundo a participar nesta IV edición de Animacam; lembrándovos que para compartir as vosas obras con toda a gran familia da animación Animacam, só tedes que subir os vosos films de animación á Web de Animacam IV edición, previo cumprimento das bases que se enlazan aquí,  e poderedes optar a un premio económico de 600 euros por categoría.

Esperámosvos!!!!

Coñece a lenda do viño en A legend about wine
 

Descobre a curiosa teoría do universo en All´s a lie
 

Goza con Intervención Torre Eifell
 

Coñece o lado máis amable da cultura cidadá en Siluetas dunha cidade
 

Participa coa túa obra en Animacam IV edición

Estudantes da Ecolé Gerges Melies presentan as súas obras en Animacam IV edición (part II)

Como prometeramos, hoxe temos o inmenso pracer de presentarvos os novos filmes dos alumnos da Ecolé Georges Meliès, que nos chegan da man dos amigos de Premium Films e que entrarán a concurso na IV edición de Animacam.

Con "Sirocco" de Anne Guetto, Guillaume Rajaona e Yaara Cellier, viviremos a singradura dun mariñeiro por un deserto de Area á caza dunha balea de aire. Unha simbólica curtametraxe que nos depara un desesperado final.

Coa curtametraxe de animación "Portrait Crashé" nárrasenos a peculiar e divertida peripecia dun garda de museo e un ladrón na pugna por facerse cunha importante obra de arte. Un filme cheo de diversión que nos chega da man de Joachim Henrard, Mathieu Krystoforski, Agustin Legueux e Lucas Mayen.

O lado máis onírico pono Vivien Moer e Le viet Trang co seu filme "Stigma", no que un moribundo viaxará ao mundo dos soños en busca dunha alianza, a súa identidade e a súa vida. Intrigante curto de animación de gran beleza estética e coidada ambientación musical.

Para  acompañar a estas  obras, na categoría multimedia incluímos o teaser de "The Hope", realizado por Edouard Koen e Nicolas Dalaiev. Para non desvelarvos a sorpresa ... mellor que o vexades por vós mesmos. 

O vindeiro venres máis estreas na carteleira de Animacam, non volo perdades.

Accede a Sirocco

Coñece a divertida historia de Portrait Crashé

Viaxa ao mundo do onírico con Stigma

Coñece o segredo que se encerra en The Hope

Participa en Animacam IV edición