A mellor selección 2010 da Escola Superior de animación e deseño por ordenador Supinfocom, en Animacam IV Edición

 Para concluír o mes, Animacam 2011 ten o pracer de presentar a elaborada proposta de Supinfocom 2010. Durante toda a semana iranse estreando até un total de 19 obras desta prestixiosa escola superior de animación para a categoría curtametraxe, que irán acompañadas na categoría retrospectiva e multimedia por outras grandes obras da animación internacional.

Para empezar a semana, neste último día do mes, Supinfocom convértese en protagosnista coa estrea de 5 curtametraxes de animación que irán acompañados na categoría multimedia e retrospectiva por senllas obras de recoñecido prestixio e altísima calidade dentro do panorama da animación internacional.

Para comezar as presentacións do luns, non hai mellor maneira que facelo coa obra "Akaffa". Unha elaboradísma animación en acrílico e 3D que nos narra a escura historia do café.

Estará acompañada na mesma categoría, competindo por un premio de 600 euros, por "Aleksandr", que nos narra unha divertida historia nun país nos ceos.

Cun toque dinámico e á vez divertido, a carteleira de Animacam vístese de cor para presentar a "Botanica Liberta"; unha trepidante aventura dun cactus, unha planta carnívora e unha árbore que se escapan dun xardín botánico en busca da liberdade.

Con "Branque Brol Tambour", penetrámos no panorama da concienciación sobre aproveitamento dos recursos os, desperdicios e os residuos sólidos.

E para finalizar coas presentacións de hoxe da selección Supinfocom 2010, ofrecémosvos a obra "Chernokids", na que se nos narra a escura e tenebrosa aventura duns nenos moi especiais nun apocalíptico futuro nuclear.

Na categoría multimedia presentámosvos a obra da prestixiosa animadora Caroline Attia, quen co seu incrible estilo e deseño de cor, preséntanos un traballado videoclip para o coñecido cantautor estadounidense Jim Bianco, baixo o título "Elevator Operator"

E para a categoría retrospectiva, temos o inmenso pracer de ofrecervos a premiada obra do prestixiosa animador nortemericano Lucas Martell, quen con "Pigeon Impossible" ofrécenos unha divertida e moi elaborada aventura dun axente secreto moi peculiar. Non te perdas a gran calidade técnica e o elaborado guión desta prestixiosa obra recoñecida internacionalmente.

E isto é todo por hoxe amigos. Lembrade que o vindeiro mércores poderedes gozar de novas estreas de Supinfocom en Animacam 2011, que irán acompañados por grandes obras da animación internacional que vos temos preparadas.

Feliz semana amigos!!!

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Desfrutade da mellor colleita animada da Filmoteca Vasca en animacam 2010

 Como cada ano, e da man do Departamento de Cultura do Goberno Vasco e de Eskadiko Filmategia - Filmoteca Vasca, o festival Animacam ten o pracer de lucir na súa carteleira novos brotes animados pertencentes á mellor colleita da curtametraxe vasca. 

Novos nomes e vellos coñecidos do mundo da animación vasca cóntannos as súas historias, os seus sentimentos e as súas ansías a través destas belas manifestacións artísticas.

Agora é a quenda destas tres pequenas historias en canto a tempo; pero grandes, moi grandes, en contidos, as cales desexamos que gocedes tanto, como o equipo de Animacam gozou delas.

"Ámár" nárranos a historia da viaxe de Inés á India a visitar ao amigo que dá nome á obra e que vive dende hai anos recluído nun sanatorio mental. Inés lembra durante a súa viaxe os últimos días que pasaron xuntos e a súa promesa de regresar. 

"Ámár" é unha pequena xoia coa que nos agasalla a directora Isabel Hergera que, trás pasar diversos anos traballando para importantes estudos norteamericanos, regresou ao seu San Sebastián natal dende onde dirixe a Mostra Internacional de Cinema de Animación de Cataluña ANIMAC, ademais de viaxar con frecuencia á India a impartir clases de Animación. Iso si, sempre acompañada do seu caderno de viaxe onde debuxa a realidade social destas paraxes.

"Daisy Cuter" cóntanos a historia dunha nena de apenas 10 anos, Zaira, que como tantos outros nenos vive a inxustiza dunha guerra, coa perspectiva que lle permite a súa tenra e inxenua mirada. Zaira recolle todos os días margaridas para un amigo que bota de menos; para non esquecelo, para non perderlo ... 

Esta obra está realizada e dirixida por :

Enrique García, quen co seu opera prima de animación, "Perpetuum Mobile" logrou máis dunha vintena de premios internacionais, ademais dun nomeamento aos Goya, e unha precandidatura aos Óscar.

E por Rubén Salazar, cofundador da produtora Silverspace dnsde a que se dedica a labores de produción executiva así como a formación en postproducción.

"Ondar Ahoak", curtametraxe documental da que poderedes gozar na categoría multimedia do festival, fálanos da vida dos atúns, que pasan meses hibernando tras a etapa de alimentación activa no mar cantábrico. Cada ano estas estacións quedan gravadas en forma de aneis, deixando zonas opacas pola ausencia de alimento.

Esta curtametraxe gañou o premio ao mellor curto experimental no Festival de Animación de San Diego, EE.UU., e chéganos da man de Ángel Aldarondo, home orquestra do audiovisual. Do mesmo xeito que o protagonista da novela "O  Perfume", Ángel naceu entre peixe e por iso non probou o seu primeiro peixe até os 16 anos, por iso con esta obra rende unha sincera homenaxe ao traballo do mar tan arraigado no seu Donostia natal, así como no resto de pobos vascos.

Desexando que gocedes da gran proposta que vos presentamos, máis nada que concertar unha cita con todos vós para o vindeiro luns, onde a mellor animación francesa volverá ser protagonista.

Feliz fin de semana a todos!!!

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Unha nova estrea de cinco grandes films da mellor animación internacional

 Novas estreas na carteleira de Animacam que farán as delicias de todos os públicos no Festival máis animado.

Hoxe temos o inmenso pracer de presentar cinco novas estreas nun mércores moi especial. Grandes reencontros e novas benvidas, servirán para pór o toque animado internacional do Festival Animacam.

E se de grandes reencontros falamos, é para nós un gran pracer dar a benvida ao noso queridísimo amigo Iván Maximov que ano tras ano nos ilustra coas súas grandes animacións de recoñecido prestixio internacional. Señoras e señores, nenos e nenas, dende Rusia e por cortesía do gran Iván Maximov, pasen e vexan "Tides to and fro"

Para dar un toque máis adulto pero moi, moi divertido presentámosvos a obra "No Da", que nos chega dende Chile por cortesía do director Pablo Alibaud e que nos narra dos perigos do amor en idades avanzadas. As risas están aseguradas amigos!

Pola súa banda, hoxe e despois da gran acollida que a serie de Leo Ka tivo no festival, temos o inmenso pracer de presentarvos unha edición especial de "Casino flotante", para que podades volver gozar das aventuras do axente secreto Juan Bardo sen cortes nin interrupcións.

Xa na categoría retrospectiva, dende Italia chéganos a obra de Julia Gromskaya " l´anima maví", un filme cheo de cromatismo que nos fala da encrucillada dos soños e o encontro coa alma pura e cristalina. Unha preciosa animación que vos encherá de sentimentos.

E para o público adulto, tamén na categoría retrospectiva, na carteleira de Animacam loce a divertida obra francesa "Happy Hour", dirixida por Maxime Paccalet e que nos conta unha divertida aventura nun café. Non a perdas

Así rematan as presentacións de hoxe en Animacam. Non sen antes ofrecervos un avance das estreas do próximo venres, que terán como protagonistas ao mellor da Filmoteca Vasca, ademais dunha homenaxe a unha directora moi especial.

Saúdos animados amigos !!!

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Grandes obras da animación arxentina, rumana e alemana lucen na carteleira de Animacam 2011

Para comezar a semana o Festival Animacam ten o inmenso pracer de presentarche grandes obras da animación Internacional que competirán polos premios das súas respectivas categorías na IV edición do festival.

Dende Arxentina, para a categoría curtametraxe e da man dos directores Daniel Jervis, Javier Inga e Ricardo Jurado, chéganos unha divertidísima e elaborada curtametraxe de animación que desmontará todas as teorías mitolóxicas clásicas. Non te perdas esta interesantísima obra, "Mitologia", que che fará pasar un intre moi divertido.

Nesta categoría estará acompañado por unha máis que interesante obra de animación que nos chega dende Romanía por cortesía de Cristina Zoica Dumitru, "It´s a living". Unha divertida proposta que nos porá na pel dun coidadoso ladrón que talvez non o sexa tanto. Descobre o que esta obra nos ofrece.

Na categoría retrospectiva a prestixiosa Jessica Cheeseman , agasállanos con tres pequenas obras que nos mostran unha interesante proposta da escola xermano- polaca de animación. Dende Londres fainos chegar "Point of View"," A brillant Idea" e "What´s he got?". Desfrutade destas achegas.

E para finalizar, tamén na categoría retrospectiva, unha moi elaborada proposta que nos chega dos amigos de Trexel Studio, Arxentina. Baixo a dirección de Pablo Alberto Díaz, temos o inmenso pracer de presentarvos "Copia A", unha divertida proposta animada que vos fará gozar co mellor da Animación arxentina.

E así pechamos un novo luns, lembrándovos que o vindeiro mércores poderedes desfrutar de novas estreas na carteleira máis animada.

Recibide os nosos mellores desexos !!!

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Animacam ofrécevos grandes clásicos animados internacionais para un fin de semana moi especial

Remata unha nova semana e Animacam ofrécevos unha proposta moi animada para estes días. Dende Taiwan, Rusia, Noruega e Arxentina chégannos uns moi interesante clásicos da animación internacional que farán que gocedes dunha moi grata compañía. 


Para iniciar as presentacións, e como de clásicos falamos, a categoría retrospectiva vístese de gala para recibir grandes obras da Animación Internacional.

Desde Taiwan chéganos a obra "Roue", unha proposta da prestixiosa animadora Taili Wu que nos mostra un autoretrato composto por fragmentos dos seus soños, recordos infantís e emocións. Unha obra de gran beleza plástica e técnica moi depurada que fará que disfrutedes dun intre inesquecible.

A mitoloxía escandinava móstrasenos en toda a súa esencia grazas á cortesía de Tuva Synnevag; quen coa súa obra "Sáiva", cóntanos unha preciosa historia sobre a cultura Sami personificada na procura dunha muller en prol do seu amado morto. Unha belísima animación que non vos debedes perder.

Cun toque tenro e moi gráfico, desde Rusia Olga Kudryavtseva con "Prol Ptitsu" cóntanos a tenra historia do soño dun paxarillo que talvez non se cumpra como el esperara. Unha marabillosa curtametraxe de animación que fará as delicias de maiores e pequenos.

Para entrar na categoría curtametraxe, e se de clásicos e paxarillos falamos, que mellor que nosa gran amiga Ileana Andrea Gómez Gavinoser que nos volve a agasallar cunha tenra, poética e reflexiva historia dun paxaro en forma de oda á liberdade. Grazas de novo Ileana por mostrarnos tan substanciais historias tingíndoas de tanta máxica poesía.

E para finalizar ... SI!, xa está aquí o que moitos estabades a esperar ... o gran desenlace da aventura de Juan Bardo. Grazas á man de Leo Ka, as peripecias do máis famosos axente secreto arxentino dentro do "Casino Flotante" chegan ao seu fin. Conseguirá Juan o seu obxectivo?, non te perdas o fenomenal desenlace desta aventura mentres agardamos con ansía que cheguen moitas máis. Moitas grazas pola achega amigo Leo; o dito, agardamos con ilusión saber pronto de máis aventuras de Juan Bardo.

Desexando que gocedes dun fin de semana ao grande; dende equipo Animacam facémosvos chegar os nosos mellores desexos, non se antes lembrarvos que o vindeiro luns vos espera unha nova cita co mellor da animación mundial na carteleira máis animada.

Feliz fin de semana a todos!!!!

  

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Continua a gran semana da animación internacional coa estrea de 5 obras de primeiro nivel na carteleira máis animada

Isto está que arde amigos. É un gran pracer para nós presentar as cinco obras que hoxe se estrean na carteleira de Animacam e que competirán polos premios das súas respectivas categorías.

Catro grandes curtametraxes animación e un máis que feliz reencontro na categoría multimedia, serán os protagonistas deste mércores animado en Animacam 2011.

Para comezar coas presentacións de hoxe temos o inmenso pracer de presentarvos unha obra que causou e está a causar sensación en diversos festivais internacionais así como nas redes sociais especializadas. Dende Dinamarca a cortesía de Henrik Malmgren agasállanos con "The Guest", un dinámico drama social cheo de acción que espertará o noso lado máis tenro e reflexivo, e que nos chega co irrefutable aval do éxito cultivado no festival "Siggraph" de Los Ángeles , o que é considerado por moitos como o evento máis importante da animación 3D no mundo.

Acompáñalle na categoría curtametraxe un gran traballo do director español Gerardo de la Fuente, quen nos presenta a súa obra "El amor era eso". A impecable argumentación que caracteriza a esta obra interactiva sérvese do 3D e imaxe real para mostrarnos unha moi interesante proposta que bo seguro agradará aos públicos máis esixentes.

O lado máis humano chéganos da man de Carmen Díaz, que coa súa obra "FQ" penétranos no máis cru da enfermidade que dá nome ao curto, a Fibrosis Quística. Un vídeo homenaxe que non poderedes deixar de compartir. Moitas grazas pola túa achega Carmen.

Cambiando de terzo; onde sobran presentacións é na obra do director Arxentino Leo Ka "Casino Flotante", que hoxe presenta o seu terceiro capítulo nunha serie que está que arde (nunca mellor dito). Non o perdas

E para finalizar, o equipo Animacam énchese de felicidade de presentar un ano máis a nosa ben querida Inma Carpe. A dobre gañadora da categoría retrospectiva do festival Animacam en 2009 e 2010, agasállanos cunha interesante proposta en forma Spot para a categoría multimedia, "Daddy's girl", que non debedes deixar de ver. Benvida a casa Inma !!!.

Desexando que gocedes da oferta que vos propomos, só queda convidarvos a que compartades connosco o vindeiro venres as novas estreas que vos temos preparadas en Animacam.

Saúdos Animados amigos!!!

  

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Cinco grandes éxitos da animación internacional inauguran unha nova semana no festival Animacam

 O mellor da Animación Arxentina e unha máis que reputada achega musical por parte dos directores nomeados aos Premios "Gramy", Yuval e Merav Nathan, abren unha nova semana de animación no Festival Internacionald de Animación, Animacam

Para comezar unha nova semana, hoxe luns, temos o inmenso pracer de presentarvos cinco obras do máis destacado da animación internacional, que brillan con luz propia na carteleira de Animacam.

Para iniciar as presentacións, dende Arxentina chégannos tres obras dun dos seus directores de animación con máis prestixio e reputación internacional deste país, Juan Pablo Zaramella, que cos seus máis de 50 galardóns, agasalla a toda a gran familia de Animacam con tres xoias animadas que son de obrigado visionado para todos os amantes do xénero.

"En la ópera" é unha animación en plastilina de gran cromatismo, ambientación e beleza plástica que nos mergulla nunha velada operística chea de sentimento, baixo a ambientación musical da obra operística "Cavalleria Rusticana". Un grandísimo traballo de animación que cultivou unha moi boa acollida en diversos festivais de gran calado internacional.

Juan Pablo, tamén nos presenta na categoría curtametraxe unha divertida e moi elaborada proposta de comicidade animada baixo o nome "Hotcorn" . Unha divertida e excepcionalmente recreada idea visual que nos mostra a calidade das obras deste reputado director.

Como colofón final á presenza de Juan Pablo Zaramella na IV edición do festival, nada mellor que presentar o súa premiada "Lapsus". Unha animación tradicional que tras recoller múltiples premios nos cinco continentes loce con suma exquisitez na categoría retrospectiva do festival. Non te perdas a gran beleza visual, formal e de significado deste clásico da animación arxentina.

Coñece o traballo de Juan Pablo Zaramella

Para entrar na categoría multimedia ao grande, da man do gran animador Guy Ben Shetrit, presentámosvos un elaboradísimo clip que, baixo a dirección dos nomeados aos Gramy Yuval e Merav Nathan agasállannos con "lose this child", un videoclip animado que presenta un dos traballos do grupo musical que está a triunfar no panorama Rock canadense e norteamericano, Eatliz, e que se inclúe dentro do seu álbum "Teasing Nature".

 Coñece o traballo de Yuval e Merav Nathan

E como o prometido é débeda, hoxe toca a estrea do segundo capítulo da serie animada "Casino Flotante". Unha serie que nos chega dende Arxentina da man de Leo Ka, que nos presenta a divertida parodia do máis famosos axente secreto arxentino e que poderedes gozar en exclusiva na categoría curtametraxe do festival Animacam.

Aquí vos deixamos esta grandísima carteleira para que a gocedes en toda a súa esencia, non sen antes instarvos o vindeiro mércores a unha nova cita con máis obras de primerísimo nivel dentro da Animación Internacional.

Agardámosvos!!!

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Cinco grandes estrenos na carteleira de Animacam

  Para rematar unha semana moi movida, nada mellor que cinco grandes estreas en Animacam. Estonia, Arxentina e España son os países que nos agasallan con obras de altísimo nivel neste fin de semana animado.

Para iniciar as presentacións, temos o inmenso pracer de presentar a Andres Tenusaar, que dende Estonia nos trae dous elaborados vídeos musicais de Animación que se definen da seguinte maneira:

Con "Sunny Mision", móstranos un moi traballado Stop Motion que nos narra unha poética batalla sobre unha mesa. Para realizar este clip Andres utilizou 25 horas, en todas elas usando como única fonte de iluminación dúas candeas. O clip animado ten unha gran ambientación musical que corre a cargo do grupo Hauschka.

Con "Strange Commitment", Andres trasládanos a un mundo de poesía visual materializado en barallas de cartas, que logran espertar un sentimento de extremada beleza por parte do espectador. A potente ambientación musical corre a cargo do grupo estoniano Opium Flirt.

Dúas animacións de gran beleza e coidada elaboración que non debedes perdervos.

Para entrar na categoría curtametraxe, nada mellor que iniciar as presentacións coa serie animada "Casino flotante". Desde Arxentina e da man de Leonel Klanjberg, chéganos esta desternillante serie de Animación que nos narrará a historia do axente secreto máis famoso de Arxentina, na súa particular aventura ao máis puro estilo "Casino Royal". Se queredes pasar un intre divertido non deixedes de ver este primeiro capítulo dun total de catro, que poderedes gozar en exclusiva en Animacam.

Seguindo co lado máis divertido na categoría curtametraxe, temos o inmenso gusto de presentarvos "CAT Reserva" unha coidada obra de animación que nos chega da man dos irmáns Flores, Fernando e J.B, que foi merecedora de numerosos recoñecementos en importantes certames de animación a nivel nacional. Estamos seguros que tamen recibirá unha gran acollida por parte dos seguidores de Animacam.

E xa para finalizar, que mellor que penetrarnos na máis pura poesía visual da man de Óscar Cabezas coa súa curtametraxe "Petita Vida". Unha curta que aúna pequenas historias filosóficas ambientada musicalmente por dúas ukeleles na colaboración de Olga Capdevilla . Un máis que interesante traballo que abre unha fin de semana que dende o equipo Animacam desexamos que gocedes ao grande.

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

5 novos filmes de animación en Animacam 2011

 Comeza unha nova semana en Animacam con cinco interesantes estreas na carteleira máis animada.

Cinco interesantes animacións, nas que debuta México como novo país na carteleira 2011, serán as protagonistas deste luns en Animacam.

Para comezar as presentacións, desde Arxentina temos o pracer de presentarvos "BOX" unha curtomertaxe de animación realizada por Juan Carlos Camardella co programa de Acceso Libre Blender, ao ritmo do cuarteto cordobés arxentino na que se nos narra o enfrontamento dun Boxeador cos seus recordos. Un máis que palpitante proxecto que nos mostras as calidades de Blender.

Acompáñanlle nesta categoría dous máis que recomendables filmes de animación mexicanos que nos chegan da man de Víctor Hugo Martínez Izquierdo:

Con "Os presaxios funestos", cóntanos os sinais recibidos polo pobo Mexica antes da chegada dos conquistadores españois. Unha suxestiva viaxe que nos adentrará na esencia da cultura histórica mexicana.

Mentres que con "O mosco", móstranos a animación dun mosquito cadro por cadro. Rechamante proposta de Víctor Hugo Martínez Izquierdo que nos ensina o desenvolvemento e a aplicación persoal desta técnica de animación.

V. Hugo tamén nos agasalla na categoría Multimedia cun tip, a modo de Anuncio, sobre "a responsabilidade cidadá na concienciación de non conducir ebrio". Unha atractiva proposta para a asimilación neste candente e actual tema.

Na categoría retrospectiva, poderedes gozar do filme de animación "Todos te queremos", unha premiada proposta de Miguel Chehaibar; que tamén desde México amósanos nunha historia sobre a vellez e o dramático peso das cargas familiares. Unha máis que aconsellable animación que non deixará de lado un clamor de sentimento.

Para esta semana adiantámosvos que temos preparado unha nutrida selección de films que poderedes gozar en primicia en Animacam.

Estade atentos á carteleira!!!

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Animacam presenta os proxectos de animación dos alumnos da escola Gobelins en 2010

Animacam vístese de gala para ofrecer a todos os seus seguidores os proxectos de fin de estudo dos alumnos da prestixiosa escola de animación Gobelins.

E é que non tiñamos mellor maneira de pechar este monográfico sobre a prestixiosa escola francesa de Animación Gobelins, que ofrecervos como broche final as obras de animación que pechan os estudos para os alumnos da promoción 2010.

Enorme calidade gráfica e unha máis que destacable liña argumental son o selo do cinco obras que poderedes gozar na categoría curtametraxe, e que se resumen da seguinte maneira:

"Je t´aime" é un moi elaborado traballo de animación que nos achegará  nun universo de terror psicolóxico, ao máis puro estilo da escola xaponesa, seguro que non vos deixará indiferentes.

A cara máis divertida, picante e desenfadada chéganos coa obra "Jean Luc". Unha divertida curtametraxe de animación dotada de gran dinamismo, comicidade e cun toque un pouquiño picante, que baixo ningún concepto deberedes perdervos .

O lado cómico máis amable chéganos con "Le Royaume", unha divertida historieta que fará as delicias de pequenos e maiores, e que nos narra a historia dun rei que fará o imposible por ter o seu castelo.

Con "Smoke my Christmas", poderemos vivir as aventuras e desventuras da imaxinación dun vagabundo o día de nadal. Un traballo sobresaiente que nos guiará polos praceres que lle son negados a un peculiar indixente unha fría noite de inverno.

E para finalizar a categoría curtametraxe, ofrecémosvos unha bela alegoría sobre a guerra e as consecuencias que están xeran nas persoas, "Trois Petits Points" . Unha preciosa historia cun final un tanto indiferente.

Ademais desta gran oferta que desexamos que sexa de voso agrado, non queriamos pechar este ciclo dedicado á escola Gobelins sen ofrecervos na categoría multimedia tres breves achegas que identifican a idiosincrasia e saber facer que emana das súas aulas. Gozade da fin de semana na compaña de 

Animacam IV edición.

 Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

A prestixiosa escola de Animación Gobelins presenta as súas obras en Animacam IV

Da man dos compañeiros de Premium Films, chégannos as obras dunha das academias de animación máis importantes a nivel internacional. A promoción de alumnos 2010 da prestixiosa academia francesa Gobelins presentan os seus traballos en Animacam; e para celebralo programamos máis de 20 estreas que se realizarán dende hoxe até o vindeiro venres. Non volo perdades.

Para comezar ofrecémosvos cinco traballos de coidadísima calidade que poderedes gozar na categoría curtametraxe.

Estes filmes foron realizados por alumnos do segundo curso, no ano escolar 2010. As obras realizáronse en exclusiva para o festival "d´Annecy 2010" e vós poderedes gozalas en primicia en Animacam IV edición.

"Chaman" móstranos unha aposta representativa do festival na imaxe dun pequeno Chaman.

"Junk Space" guíanos a través dunha metáfora deportiva cara a esencia da enerxía.

Con "M.Eustache" viaxardes a unha clásica escena teatral dotada dunha gran comicidade que non deixará indiferente a ningún sorriso.

Mentres que con "Red River Bay" descubriredes a poesía das formas e o cromatismo nunha sinerxía en grao sumo harmónico.

Para finalizar "Soapy Trip" convídanos a descubrir un universo de imaxinación sen límites que vos fará viaxar á cara máis positiva de cada esencia.

Pero isto non é todo, porque a promoción de alumnos de Gobelins 2010, tamén nos ofrece as cinco animacións Multimedia máis importantes dese ano; que baixo o nome de Iko, Omoho, Teeniz, Uti e Yummy, temos o inmenso pracer de presentarvos.

E como neste caso unha imaxe si vale máis que mil palabras, só podemos convidarvos a que as gocedes unha a unha en Animacam IV edición.

Participa en Animacam

Accede ás curtametraxes a concurso

Accede ás animacións multimedia

Coñece as obras que compiten en retrospectiva

Coñece a carteleira de Animacam IV edición

Obras de Animación de EE UU e Arxentina inician Outubro en Animacam IV

 Interesante selección de obras de animación para comezar outubro en Animacam 2011. Arxentina e EE UU darán paso a unha semana chea de novidades e estreas en Animacam.

Dende Arxentina da man de Carlos Montoya chégannos dous Spots televisivos en grao sumo representativo da calidade publicitaria deste país, que competirán na categoría Multimedia polo seu respectivo premio.

Con "te hago la pata" móstrasenos a través dun Stop motion pixelización, un spot representativo e iconográfico para un centro de capacitación.

Con "te doy una mano", e utilizando a mesma técnica que co anterior anuncio, Carlos Montoya ofrécenos unha continuidade da campaña de comunicación para o Centro de Capacitación Agropecuaria nº4 de Aluminé - Neuquen.

Para a categoría curtametraxe temos o inmenso pracer de presentarvos "El fantasma", unha obra Arxentina que tamén nos chega da man de Carlos Montoya e na que os mozos de El Entretecho, nárrannos a través dun moi elaborado traballo en plastilina, unha libre adaptación do conto de George Loring Frost, "El creyente". Non podedes perdérvola.

Mentres que para a categoría retrospectiva presentámosvos"Aqualibrae", unha obra de Chanya Hetayothin que, caracterizada por unha coidada ambientación e gran calidade narrativa, mostra o ciclo de vida a través da relación entre os seres vivos e a fonte orixinal da vida, o océano.

Desexando que a oferta sexa do voso gusto e como adianto a modo de invitación, comunicámosvos que este mércores o mellor das escolas de Animación francesas volverán brillar en Animacam. Desta forma, as obras de animación máis destacadas da escola Gobelins en 2010  lucirán na carteleira de Animacam cun pase que se iniciará este mércores e que concluirá o vindeiro venres.

Non o perdas!!!

Participa en Animacam

Visiona a carteleira

Accede aos vídeos da categoría curtametraxe
 

Accede á categoría Multimedia

Coñece o mellor da animación Retrospectiva en Animacam