A importancia dos lagartos nos sistemas insulares

Mediante este vídeo de animación 3D o laboratorio de Ecoloxía e Evolución de plantas e o Grupo Divulgare da Universidade de Vigo pretenden mostrar o papel, descoñecido para o gran público, dos lagartos, como modeladores da paisaxe vexetal nos ecosistemas insulares. Estes réptiles modifican a súa dieta en ambientes insulares incorporando moitos froitos carnosos. Ao inxerir estes froitos, dispersan as súas sementes cun resultado fantástico para as plantas.

O vídeo mostra os resultados dun proxecto de investigación que o laboratorio de Ecoloxía e Evolución de plantas da Universidade de Vigo realizou no Parque Nacional das Illas Atlánticas de Galicia (España) con financiamento do Organismo Autónomo de Parques Nacionais. Baixo a batuta de Luis Navarro, preséntannos A importancia dos lagartos nos sistemas insulares, baseado nun estudo realizado no Parque Nacional das Illas Atlánticas de Galicia.