Maxia "fat-tástica"

O animador taiwanés Erik Lee, presenta o seu proxecto final da Academia das Artes de San Francisco coa súa ópera prima: Fat-tastico; na cal un mago realiza trucos fantásticos nos cales consigue adelgazar ás persoas.

O xovencísimo animador Erik Lee conta xa cunha ampla experiencia no eido da animación, formándose nas escolas de Taipei e San Francisco, desenvolvendo a súa actividade coma mestre e caracterizador de personaxes. Esta obra, proxecto final da Academia, presentouse en numerosos festivais e mostras, obtendo premios no Santa Monica Film Festival e no Red Rock Film Festival coma mellor curtametraxe de animación.